المربربه .. دفء .. فخامه.. خفة دم..زوجة ناجحة دائما

كنت افكر في نوع من النساء مظلوم

وهو نوع اعتبره ناجح وله جمهوره

حديثي اليوم عن الزوجة المربربه (vv)

المربربه هي المرأة الممتلئه واللي تملك شي من أهم الاشياء الملفته لنظر كثير من الأزواج

الكل يمدح النحيفه

والكل يتمنى النحيفه

بس لا جينا للجد ترى المربربه شي وفرق كبير عن النحيفه

المربربه فيها عدة مميزات

اولا

الدفء

كلها دفا ومن وين ما ضميتها تلقى الدفء مو مثل المعصقله لا ضميتها تحس كن عظامها تنشب بجسمك

ثانيا

خفة الدم

نادرا تلقى مربربه ثقيلة طينه

كلهن ماشاء الله خفة دم وسعة صدر وروح شرحه

ثالثا

طباخه

كثير من ازواج هالوقت

يشتكون من جهل زوجاتهم للطبخ

بس اللي متزوج مربربه ما يشتكي ابد فالمربربه

تعتبر دائما طباخه من الدرجة الاولى

وما فيه سر يخفى عليك وش خلها مربربه

الا حب الطبخ والمطبخ (q47)

رابعا

أم ناجحة

الأم المربربه تكون دائما اكثر حنانا

ورحمه وتربيه لاطفالها

لذا دائما اولاد المربربات يكونون اكثر بر بوالدتهم عكس اولاد المعصقلات

خامسا

من اليوم ورايح خل شعارك نعم للمربربه ولا للنحيفه

وختاما

تحية لكل ام وكل زوجة مربربه

والمجتمع ظالمكم بنقدكم والتطنز فيكم

بس انتم روح المجتمع ولا يهمكم الكلام

ولكم هالاهداء من قصيده قديمه للسعيد

للزين قالوا من قديمٍ علامات

============ عينٍ ومبسم والجسم والرشاقه

لكن كسر هالقاعده هالمتينات

============ من واقعٍ ما هو كلام وبلاغه

اللي محليهن ولو هن ثقيلات

============ دايم خفاف الدم وفيهن لباقه

الله يا هن يا جماعه لطيفات

============ وعن الكلام الحلو فيهن طلاقه

ما هو ضروري بالرشاقه رشيقات

============ وزود الوزن ما هو بيعني اعاقه

صحيح بعض اللبس يعني اهانات

============ الوزن بالضيق عديم العلاقه

بس مو ضروري يبلسن استرتشات

============ يا زينهن واللبس واسع نطاقه

لا بارك الله فيك يا الضيق بالذات

============ ترى السعه مرات تعطي اناقه

قابلهن الله بلا رجيم ورياضات

============ بأهدي لهن مني من الورد باقه

هن دفء هذا المجتمع هن رقيقات

============ هن ملح هن سكر لذيذٍ مذاقه